الخميس، 31 مايو، 2012

طاجين باللحم و البرقوق

السلام عليكم و رحمة الله و بركاته
باسم الله الرحمان الرحيم
موقع الطبخ المغربي يقدم :

طاجين باللحم و البرقوق
مقادير طاجين باللحم و البرقوق :

2  كيلو لحم غنمي أو عجل أو بقري أو حسب احتياجك من اللحم1 – كيلو بصلة مشلضة أو حسب احتياجك
- نص كيلو ديال البرقوق
أو حسب احتياجك
– قبطة ديال القزبور و المعدنوس "مربوطة"

- الملح 
 لبزار
الزعفران الحر
الخرقوم أو الملون
اسكنجبير
السكر
القرفة+عود ديال القرفة
  الزيت العادي
  زنجلان  للتزيين
  حفنة ديال اللوز مقلي للتزيين


طريقة تحضير طاجين اللحم بالبرقوق :
فكوكوط ندير لحم و الملح و البزار و اسكنجبير و زعفران و البصلة مشلضة و الزيت
انحمر و نقلي كل شي مزيان,انغطي لحم بالما,نرمي ربطة دلقزبور و المعدنوس ونسد الكوكوط و نخليها تطيب
البرقوق نرقدو ساعة فالما باش يرطاب و يتنفخ
نقلي اللوز و نقطرو من الزيت ونخليه للتزيين
نحمر الزنجلان فمقلا
من بعد ساعة ندير البرقوق يتسلق 15 دقيقة حتى يولي فتي و يتنفخ,نخوي لما ديال سليق كامل و نزيد عليه المرقة ديال لحم و نخليه يتشرب البن ديال المرقة و نزيد عليه السكار "سنيدة"+القرفة غبرا, و نعسلو مزيان
منين يطيب لحم ,نعري عليه الكوكوط ونخليها تتقال
نصب لحم فطبسيل كبير+ المرقة خاترة+البرقوق معسل+المرقة لمعسلة ديال من فوق لحم والبرقوق,نزين باللوز مقلي + الزنجلان من فوق البرقوق و لحم.

أو بالصحة و الراحة




مشاركة

0 التعليقات:

إرسال تعليق

شارك

Twitter Delicious Facebook Digg Stumbleupon Favorites More